Семинар барысында әлеми елдерінен келген құжат реставрациясы және консервациясы саласының мамандары өз білімдерімен бөлісіп, тәжірибе алмасып, баяндамалар оқыды және Матенадаранның осы салада жеткен жетістіктерімен танысты. Сонымен қатар кітапты түптеу, құжатты қалпына келтіру, қағаз құю бойынша әлемнің озық мамандарының мастер-класстары өтті.
Қолжазбалар және сирек кітаптар ұлттық орталығынан аталған іс-шараға «Реставрация және консервация» бөімінің басшысы Бейсенқұлов Ж.А. қатысып, Restoration of the Book «Kitab Mishkat al-Masabih» («КИТАБ МИШКАТ АЛЬ МАСАБИХ» кітабының реставрациясы) тақырыбында баяндама оқыды. Баяндамада аталған кітапты реставрациялау кезіндегі атқарылған жұмыстар (дезинсекция, дезинфекция, парақтарды жуу, желім дайындау, жапон қағазын қолданып парақтарды қалпына келтіру, кітап блогын қалыптастырып тігу, табиғи былғарыдан жаңа мұқаба әзірлеу) толығымен сипатталып келтірілді.
