Қолжазбалар және сирек кітаптар ұлттық орталығының жұмыс тобы директор, PhD Ж.Болдыков, Ғылыми-зерттеу жұмыстарын ұйымдастыру бөлімінің басшысы К.Пәрімбекова, бас сарапшы А.Абсаликов Тәжікстанның ұлттық кітапханасында іссапармен болды. Іссапар барысында қызметкерлерді Ұлттық кітапхана директорының бірінші орынбасары Салима Раджобзода қабылдады. Жұмыс тобы кітапхана жұмысымен танысып, сирек қорда жұмыс істеді. Сирек қорда 3 мыңға жуық қолжазбалар сақталған және Қазақстан тарихына қатысты маңызды құнды қолжазбалар анықталды. Алдағы уақытта көшірмелерін алу туралы жұмыстар жүргізіледі.
