Бүгін, Қолжазбалар және сирек кітаптар ұлттық орталығына Қазақстандағы Түркия елшілігінің мәдениет және туризм бағыты бойынша кеңесшісі — Зүлфи Томан арнайы келді.
Кездесу барысында Ұлттық орталықтың мамандары құрметті қонаққа атқарылған жұмыстар туралы кең мәлімет берді. Өз кезегінде Зүлфи Томан Ұлттық орталықтың мәдени мұраны дамытуға қосқан үлесін жоғары бағалап, жылы пікірі мен ізгі ниетін білдірді.
Кездесу соңында Зүлфи Томан алдағы уақытта екі ел арасындағы мәдени-рухани ынтымақтастық өз жалғасын табатынын жеткізді.
